Þessi 12 mínútna mynd gefur sögulegt innsýn í menningarheim prentiðnaðarmanna á 50 ára afmælishátið sem haldin var á Hótel Borg 12. apríl árið 1947. – Veizlustjóri var Guðbjörn Guðmundsson og stýrði veglegri dagskrá sem var að hluta til útvarpað beint og einnig hljóðrituð á plötur. – Meðal dagskráratriða sem útvarpað var má telja ávarp Stefáns Ögmundssonar, flutt var hátíðarkantata sérstaklega samin af Karli O. Runólfssyni við ljóðaflokk eftir Þorstein Halldórsson í flutningi Tónlistarfélagsins, Samkórs Reykjavíkur og söngfélagsins Hörpu – allt undir stjórn Róberts Abrahams Ottóssonar. Einsöngvarar voru Helga Magnúsdóttir og Guðmundur Jónsson. – Elín Guðmundsdóttir afhenti nýjan félagsfána og Hermann Guðmundsson, forseti ASÍ flutti heillakveðjur. – Gunnar Þorleifsson formaður FÍP færði HÍP veglega bókagjöf og Stefán Jóhann Stefánsson ávarpaði veizlugesti. – Lúðrasveit Reykjavíkur lék 4 lög, Internationalinn (Alþjóðasöngurinn) var sunginn auk nokkurra nýrra hátíðarkvæða. Veizlan hófst með mat kl 19:30 – útvarpað frá 20:30-22:00 og síðan dansað og sungið til rúmlega 5 að morgni.
Yfirfært af Þorsteini Veturliðasyni.