Þorvarður Þorvarðsson (1869–1936) prentari stofnaði Prentsmiðju Reykjavíkur 1902, en seldi hana síðan Hlutafélaginu Gutenberg 1904. Hann virðist samt halda áfram að prenta og gefa út blöð og bækur í sinni eigin prentsmiðju sem bar heitið Prentsmiðja Þorv. Þorvarðssonar. Hann stofnaði blaðið Nýja Ísland þetta ár 1904 — Blað fyrir alþýðu, alvarlegs og skemmtandi efnis. Á titilblaði 1. árgangs þessa blaðs er sagt að það sé prentað í Prentsmiðju Þorv. Þorvarðssonar, en 2. og 3. árgangur er prentaður í Prentsmiðjunni Gutenberg 1905 og 1906.