Björn Jónsson.

Björn Jónsson.

Ragnar Jónsson í Smára.

Ragnar Jónsson í Smára.

Haraldur Gíslason.

Haraldur Gíslason.

Hörður Óskarsson.

Hörður Óskarsson.

Víkingsprent

Reykjavík 1935-1991

Þessi prentsmiðja var stofnuð 1935 af þremur prenturum, þeim Birni Jónssyni (1895-1967), Stefáni Björnssyni (1905-1987) og Guðjóni Einarssyni Long (1905-2003). Þeir seldu síðan prentsmiðjuna árið 1939 samnefndu hlutafélagi og var Björn Jónsson prentsmiðjustjóri þar áfram til 1952. Prentsmiðjan var þá í Garðastræti 15-17, í húsakynnum Ragnars Jónssonar í Smára sem var eigandi prentsmiðjunnar og kallaði hann það Unuhús á titilblaði útgáfubóka sinna, en hið eiginlega Unuhús var þar við hliðina.
Haraldur Gíslason (1917-1999) var framkvæmdastjóri prentsmiðjunnar í mörg ár, en hún var flutt um þetta leyti í Bókfellshúsið að Hverfisgötu 78. Prentsmiðjan var þar á 3. hæðinni en hafði einnig aðstöðu bæði í kjallara og á 4. hæð, en lyfta var á milli. Hörður Óskarsson (1923-2008) prentari var prentsmiðjustjóri. Síðast var Víkings- prent flutt á Veghúsastíg 7 þar sem Helgafell, bókaútgáfa Ragnars, var til húsa.
Seint á níunda áratugnum keypti Prentsmiðja GuðjónÓ hf (Sigurður Nordal) Víkingsprent og Umslag og flutti með eina umslagavél inn í húsnæðið á Veghúsastíg 7. Í september 1988 var Sveinbjörn Hjálmarsson (1950-) ráðinn sem framkvæmdastjóri beggja fyrirtækjanna og voru þau rekin þar saman í 3 ár. Sveinbjörn keypti síðan Umslag 1991 og vélar Víkingsprents. Af þeim gaf hann blýsetningarvél, öll gömul tæki, letur o.fl. til Árbæjarsafns. Víkingsprent var lagt niður en Umslag rekið áfram í húsnæðinu að Veghúsastíg 7 þar til það var flutt árið 1997 í núverandi húsnæði að Lágmúla 5.