Jón Svan Sigurðsson.

Jón Svan Sigurðsson.

Svansprent

Reykjavík og Kópavogi 1967-

Prentsmiðjan Svansprent var stofnuð árið 1967. Stofnendur voru hjónin Jón Svan Sigurðsson (1931-) og Þuríður Ólafsdóttir (1935-) og hefur fyrirtækið verið í eigu sömu fjölskyldunnar frá upphafi.
Lengst af unnu þar um 10 manns en nú starfa þar um 30. Fyrstu sex árin var Svansprent til húsa í Skeifunni 3 í Reykjavík en árið 1973 var fyrirtækið flutt í eigið húsnæði að Auðbrekku 12 í Kópavogi. Fljótlega eftir flutningana var byggt við húsnæðið.
Jón Svan nam setningu í Prentsmiðjunni Eddu 1947-1951 og fékk meistararéttindi 1955. Hann vann í Eddu til 1959 en gerðist þá prentsmiðjustjóri í Prentsmiðjunni Hilmi og vann þar til 1966.
Svansprent hlaut vottun norræna umhverfismerkisins Svansins 24. nóvember árið 2010 til staðfestingar á góðum árangri í umhverfismálum.