Pétur J. Thorsteinsson.

Pétur J. Thorsteinsson.

Þorsteinn Erlingsson.

Þorsteinn Erlingsson.

Prentsmiðja Arnfirðings

Bíldudal 1901-1903

Pétur J. Thorsteinsson (1854-1929) stórútgerðarmaður á Bíldudal var svili Skúla Thoroddsens, konur þeirra Ásthildur og Theodóra voru systur.
Pétur stofnaði blaðið Arnfirðing á Bíldudal og kom á fót prentsmiðju þar, sem nefndist eftir blaðinu og hét Prentsmiðja Arnfirðings.
Hafði hann útvegað sér handpressu frá Birni Jónssyni, eiganda Ísafoldar, og nýtt letur frá útlöndum. Hann réð Þorstein Erlingsson (1858-1914) skáld sem ritstjóra, en hann hafði verið ritstjóri Bjarka á Eskifirði árin á undan. Tilgangur Péturs með þessu var að efla menningu á suðurhluta fjarðanna og bæta í skarð Þjóðviljans, sem nú var fluttur til Bessastaða með Skúla Thoroddsen.
Arnfirðingur var aðeins prentaður á Bíldudal til 10. júlí 1902, alls 22 tölublöð, en eftir það var hann prentaður í Félagsprentsmiðjunni í Reykjavík þar til hann hætti að koma út í janúar 1903.