Sigurjón Þorbergsson.

Sigurjón Þorbergsson.

Letur s/f

Reykjavík 1956-1990

Sigurjón Þorbergsson (1934 -) stofnaði ásamt fleirum fjölritunarstofuna Letur s/f 1956. Starfsemi fjölritunarstofa á þessum tíma byggðist á stensilfjölritun, en seinna fengu þær offsetfjölritunarvélar.
Letur var mjög vinsæl fjölritunarstofa meðal ungskálda á áttunda og níunda áratugnum og var meirihluti ljóðabóka gefin út á þennan hátt á þessum tíma. Letur var til húsa á ýmsum stöðum, m.a. á Grettisgötu og lengi á Hverfisgötu 50.
Eitt stærsta verkefnið sem Letur prentaði var skattskráin og hefur Sigurjón unnið þetta verk allt frá árinu 1960 og til dagsins í dag eða meira en hálfa öld.
Fyrirtækið Letur var starfrækt frá 1956-1990, en í framhaldinu hefur Sigurjón rekið lítið heimilisfyrirtæki sem heitir Margmiðlun Jóhannesar & Sigurjóns að Frostafold 20 og það sem er merkilegast við þessa starfsemi í dag er að nú er notuð sama tæknin og notuð var 1956 eða stensilfjölritun og ljósritun en hún hefur breyst verulega til batnaðar á seinustu árum.